Reyklaus í 11 daga

Jæja, ég hef verið reyklaus í 11 daga og það gengur bara ágætlega, er á hjálparmeðölunum og já ég passa upp á að eiga alltaf eitthvað til að narta í en ég er líka byrjuð í ræktinni. Fyrsta sólarhringinn skrifaði ég niður í Word hvernig mér leið og það er frekar fyndið að lesa það núna. Ég verð þó að viðurkenna að ég er frekar viðkvæm í skapi en hef hingað til ekki öskrað úr mér lungun þó mig langi stundum til að ÖÖÖÖSKRA en njótið að lesa lýsingar á geðsveiflunum mínum fyrsta sólarhringinn í reykleysi

29.12.2009

Klukkan er 01:05 og ég reykti seinustu sígarettuna klukkan hálf átta í kvöld. Ég er með níkótíntöflur sem slá á mestu fráhvörfin en guð minn góður hvað mig langar í sígarettu. Ég sé ekki sjálfa mig halda þetta út en það sem fær mig til að halda þetta út næstu mínútuna er tilhugsunin af því hversu mikið ég spara með því að hætta að reykja. Hver pakki kostar um 865 kr. og ég hef reykt um fjóra pakka á viku. Það gerir 3460 kr. á viku og gerir 13840 kr. á mánuði og gerir 166080 kr. á ári. Ég komst ekki í klippingu fyrir jólin því ég hafði ekki efni á því en ég hafði efni á því að kaupa sígarettur – halló! Hversu hallærislegt er það – miklu frekar að spara peninginn til að geta litið ágætlega út um hárið heldur en að brenna þeim upp í sígarettur sem eru óhollar. En það eru samt meiri líkur á því að ég springi heldur en ég haldi þessu áfram og guð minn hvað ég er tæp á skapinu. Hef samt heyrt að fyrstu 3 dagarnir séu erfiðastir og þess vegna er ég ekki að vinna á morgun né á miðvikurdaginn. Hins vegar verð ég að vinna fimmtudag, föstudag, laugardag og sunnudag. Guð hvernig á það eftir að fara? Mætti halda að ég væri mjög trúuð en í raun og veru er ég bara svo tæp á skapi og geðheilsu. Sem betur fer er ég að horfa á StarTrek og þar er ekkert reykt (svona yfirleitt) og er með garn á prjónunum sem hjálpar einnig því það er gott að hafa eitthvað að gera. Reyklaus.is segir að eftir 2 sólarhringa er allt níkótín farið út líkamanum en það er ekkert sagt um það hvenær það verður auðveldara. Segjum þessa 3já daga og á morgun verð ég að fara út í göngutúr!

Ó guð minn hvað ég er að deyja, svaf til hádegis – því ég átti svo erfitt með að sofna. Núna er klukkan 12:34 og þetta er svo erfitt. Ætla mér að horfa á StarTrek myndir í dag og ætla ég að byrja á fyrstu myndinni. Svo er ég með popp og nammi til að slá á þörfina sem er þó ekki að virka – shitturinn hvað mig langar í rettu núna.

Mig langar ekki í töflurnar heldur í rettu en með því að hætta bæti ég allt saman hjá mér, lyktina, þolið og peninga. Ég meina þetta eru um 13 þús á mánuði sem ég gæti eytt í eitthvað annað. Gæti kannski loksins byggt upp almennilegt þol líka.

16:53

Fór í göngutúr áðan, ekki neitt langt því það er svo kalt úti en það var hressandi, kom við á Subway og fékk mér einn bát og fór svo í 10-11 og keypti gos og sælgæti að verðmæti eins pakka – sko strax farin að spara. Ég finn að loftið hjá mér er farið að lagast og ótrúlegt en satt er þolið mitt líka farið að lagast, hljóp alla vegana upp heima án þess að pína mig.  Þörfin er samt ennþá ótrúlega sterk og ég þarf næstum því að binda mig niður til að fara ekki út og kaupa mér pakka en mér er farið að langa að hætta, verða heilbrigðari. Ætla að kaupa líka innsogslyfið, þá get ég alla vegana sogið inn og svo þótts sjúga út aftur.

Ótrúlegt hvað ég er búin að borða mikið nammi í dag en engin sígó

Jæja, þá er það sólahringur síðan ég drap í seinustu rettunni og ég verð nú að segja að ég hef haft auðveldari dag. Vaninn er slæmur og auðvitað löngunin í sígó. Sérstaklega vont var það í morgun því ég var vön að vakna og reykja. Sat stundum í sófanum alveg að pissa í mig og reykti. Reykti kannski hálfa og fór svo að pissa og kláraði svo rettuna stuttu seinna. En núna er það hætt. Ég hef verið að pæla í því að á hverjum föstudegi að leggja inn 3000 kr. inn á bankareikning (sígópeningur) og svo þegar ég er komin með nóg af pening þá ætla ég að kaupa mér sjónvarpsflakkara – finnst þetta vera frábært plan. Það sem skiptir þó mestu máli að fá mér ekki rettu. Gerði veðmál við Dúa í dag og ef ég reyki ekki í mánuð þá ætlar hann að senda mér flöðubollur en ef ég reyki þá sendi ég honum 1 kg. af lakkrís. Finnst þetta frábært plan J

22:17 urrrrrrrrrrrrrrrrrrrrrrrrrrrrr

Smáfuglar

Ég ákvað að henda smá bitum að matarkexi út á svalir fyrir smáfuglana í dag og eftir það hefur verið stöðugur gestagangur á svalirnar, meira að segja smá slagsmál yfir matnum. Er samt að velta því fyrir mér hvort það sé í lagi að gefa smáfuglum matarkex – hlýtur að vera þar sem þeir borða allt annað matarkyns á jörðinni. Tók mynd af þessum á svölunum (í gegnum gler) (ég blogga mest þegar ég er í prófum)

Jólaundirbúningur

Jæja þá er minn jólaundirbúningur hafinn. PRÓFLESTUR. Jább, fyrri hluti desember fer alltaf í jólapróflestur hjá mér. Svo inn á milli skrepp ég  í búð og kaupi eina jólagjöf til að senda til DK því það þarf að senda út í seinasta lagi 9. desember. Núna á ég eftir að kaupa eina gjöf og fylla aðeins á hinar, spurning um að senda lakkrís og nóakropp með ;)

Prófin eru svo búin hjá mér 16. desember og þá get ég farið að slaka aðeins á, en bara pínulítið því ég SKAL skila BA ritgerðinni í sagnfræði fljótlega í janúar – á svo fáránlega lítið eftir en hef bara engan tíma til að klára (blóta ennþá veikindum í október því sá mánuður eyðilagði skólann þann mánuðinn). Jólabakstur verður enginn hjá mér en ég er búin að fatta piparkökurnar í Bónus mamma var þó það góð við mig því ég má koma til hennar að baka ef ég nenni – held að hún taki þá einhvern toll af þeim kökum. En ég ætla að njóta þeirra fáu daga sem ég hef í desember að borða tilbúnar piparkökur heldur en að standa sveitt og baka, aldrei að vita nema maður baki eitthvað að ári (ef ég vil fá jólalykt þá sting ég nefinu bara ofan í pokann.

Í tilefni jólanna set ég mynd af epli á tré – hver veit nema þetta epli sé jólaepli einhvers

Njótið desember og munið að jólin koma sama hvort eldhússkáparnir séu hreinir eða ekki – minnir mig á mína geymslu – mun ég geta lokað hurðinni fyrir eða eftir jól

Týna og gleyma

Ég veit ekki hvað er málið með mig núna en ég er endalaust að gleyma eða týna hlutum. Ég gleymdi fínufínu HM húfunni minni í skólanum – fann hana þó aftur nokkrum dögum seinna (trúi því varla ennþá), ég gleymdi vatnsbrúsanum mínum hjá mömmu um daginn en hann er nú nokkuð öruggur þar svo týndi ég sundgleraugunum mínum um daginn og þurfti að splæsa í ný sem voru frekar dýr sérstaklega þegar ég tel stakar krónur þessa dagana og svo núna er ég búin að týna vettlingunum mínum. Held nú að það sé einhver bölvun á þessari uppskrift því ég hef prjónað þessa vetlinga eflaust 6 sinnum og alltaf tekst mér að týna þeim. Kannski ætti ég að næla vetlingana í úlpuna mína.

Sófaklessa

Í rúma 10 daga hef ég verið sófaklessa. Fyrir 11 dögum kom ég heim eftir góða ferð til DK en veikindin sem komu DAGINN EFTIR hafa eyðilagt allt saman. Ég er orðin svo þreytt og pirruð á að vera annað hvort upp í sófa eða liggja í rúminu að orð geta ekki lýst því. Ég er búin að fara 3var sinnum til læknis og ég er búin að eyða 10 þúsund krónum í lyf sem ég hef ekki efni á. Eftir að hafa verið greind með vírus, svo nokkrum dögum svínaflensu, er ég núna komin á asmalyf vegna hósta sem ég er með. Ég fékk asmalyfin í gær (miðvikudag) og ég vinn strax að þau eru farin að virka. Þar sem mér leið mun betur í gær þá ákvað ég í dag að fara í skólann og ætlaði svo í vinnuna, var búin að vera inni í 2 daga hitalaus, en það var of erfitt að vera í skólanum – ég heyrði ekkert hvað kennarinn var að segja, allt hringsnérist og mér var orðið svo flökurt að ég þurfti að fara í miðjum tíma því ég var svo hrædd við að kasta upp (stuð). Næst hringdi ég í yfirmanninn minn og sagði að ég ekki í vinnuna í dag. Ég hef ekki unnið síðan 8. október!
Um helgina ætla ég að halda mér mest inni, ég VERÐ að byrja og klára ritgerð sem á að skila á mánudaginn. Á þriðjudaginn á að skila 2 síðna greinagerð um eina grein/kafla og svo er próf á fimmtudaginn eftir viku. Fyrir utan að ég er 3 vikum eftir á í lestri, er ekki ennþá búin að klára BA ritgerðina og ég veit ekki hvað. Ég er við það að gefast upp – ég get ekki meira – ég hef ekki tíma til að vera svona lasin. Efast um að stressið sem myndast vegna veikinda geri veikindunum varla gott!

So what?

Þó MaDonalds sé að hætta rekstri á Íslandi – það mun annað hamborgarafyrirtæki taka við með svipaða borgara, það er ekki heldur eins og Ísland sé komið í torfkofana aftur – þetta eru heilir 3 staðir og þar sem annað fyrirtæki kemur í staðinn þá verða þessi 90 starfsmenn víst ekki atvinnulausir (strax) því allir halda sínu starfi á nýja staðnum – svo er bara spurningin hvort staðurinn gangi upp.

Það hefur komið upp hugmynd að fella MC merkið niður eins og styttan af Sadam var felld niður en hvað með hina staðina sem eru eftir? Subway, Dominos og PizzaHut verða víst ennþá í rekstri (svo vitað sé) - ég hef ekki hugmynd hvort það séu sömu standardararar (asnalegt orð sem er næstum ómögulegt að skrifa) og á MC en þetta eru samt US keðjur *slef* PizzaHut. Ég hef að vísu bara borðað á PizzaHut í útlöndum (og MC) og mér finnast pizzurnar þar vera allsstaðar eins. Öndum nú rólega þó að MC sé að loka, muna: anda út og anda inn – kannski núna munu franskarnar á Metro fá í sig minna af rotvarnarefnum!

Nafnakall

Það var að renna upp fyrir mér núna rétt áðan að viðurnafnið Ása pjása fer alls ekki lengur í taugarnar á mér. Veit ekki hvað olli því en ég man hvað ég HATAÐI þetta nafnakall sem krakki. Spurning hvort ég sé að halda í barnið í mér

Annars er allt við það sama, skóli, vinna og basl. Allt eins og það á að vera. Fer kannski að blogga meira þegar ég hef frá fleiru að segja en núna er best að halda áfram að hlusta á kennarann ræða um flokkafjölskyldur – ótrúlega áhugavert (ekki kaldhæðni)

Ef þetta væri nú satt:

EURO LOTERIA PROMOTION AWARD

********************************************************

Attn Web/ Internet user!!!

We are happy to inform you that your [ alb4@hi.is ] have emerged winner of SEVEN HUNDRED AND FIFTY THOUSAND EUROS (EUR 750,000)Euros, from the Euro Loteria Internet Promotion Award, This is a Scientific Computer Game in which email addresses were used. It is a promotional program aimed at encouraging internet users; Meaning, you do not need to buy ticket to enter for it. Your email account have been picked as one of the ten winning email address in 2009. Therefore you have been approve for the star prize of (SEVEN HUNDRED AND FIFTY THOUSAND EUROS (EUR 750,000).

NOTE: To claim your Prize, please contact the claim Officer with the underlisted winning details below.

En þetta er því miður plat – get víst ekki unnið nema að hafa tekið þátt!

Meiri vikan

Já þessi vika hefur verið algjör. Byrjaði á sunnudagskvöldið þegar tölvan mín ákvað að bila. Skil ekki af hverju maður fær ekki að vita með svona mánaðar fyrirvara að hlutirnir bila. Með tárin í augunum mætti ég eldsnemma í tíma á mánudaginn sem betur fer var stuttur og fór með tölvuna í viðgerð. Þar borgaði ég 3500 kr. fyrir forgang og var tölvulaus þangað til að á miðvikurdaginn. Þar sem ég er tölvualki nr. 1 þá var þetta frekar leiðinlegt að hafa ekki tölvuna og lá við þunglyndi hjá mér (smá grín hér) en ég eyddi tímanum með því að lesa skólabækur (svona pínu) og las líka Twilight – ég veit ekki alveg ennþá hvað mér finnst um þessar bækur!

Á miðvikudaginn (eftir að hafa vaknað aftur eldsnemma til að mæta í tíma – hvað er með að vera 4 sinnum í viku í tíma klukkan 8:20?) fékk ég loksins sms um að búið væri að laga tölvuna. Þaut mín af stað og náði í elskuna sína og fór upp í vinnu þar sem ég var að fara að vinna eftir um 3 tíma. Náði ég að endurnýja kynni mín við tölvuna í smá tíma áður en vinnan tók við. Eins og venja er á haustinn eru alltaf veikindi (ekki svína þó) og vorum við undirmönnuð og mikið var að gera. Tíminn leið þó hratt þó að ég vann klukkustund lengur en ég var beðin um að vinna lengur vegna veikinda.

 Á fimmtudaginn var aftur vaknað eldsnemma *geisp* og loksins komst ég í skólann með tölvuna, ég glósa allt í tölvuna og nota tölvuna mikið í mínu námi svo loksins átti ég “eðlilegan” skóladag. Dagurinn varð þó frekar stuttur – kennarnirnir hafa nýtt þessa viku í að lesa upp kennsluáætlunir (halló ég er í háskóla og kann að lesa!) og fengum við að fara fljótlega eftir svæfandi lestur. Skólinn sjálfur byrjar á fullu í næstu viku. Þar sem skólinn var búinn óvenju snemma og ekkert sem þurfti að lesa fyrir daginn eftir (uss ekki ræða um BA) þá ákvað ég að fara heim og eiga huggulega stund með tölvunni minni (lesist: horfa á NCIS) áður en ég færi í vinnuna. Ég kem við í 10-11 og kaupi mér snúð (snúður er eitthvað sem ég fæ mér þegar ég er að halda upp á eitthvað) og þegar ég er komin heim þá kem ég mér fyrir upp í sófa með tölvuna mína. Það var skipt um móðurborð í tölvunni því skjákortið var bilað og núna slekkur tölvan ekki lengur á sér ef það er komið við hana fyrir miðju (WTHF – asnalegt). Hlakkaði ég því mikið til. Ég kveiki á tölvunni og ok, allt fer upp eins og það á að gera en tölvan nettengist ekki (WHAT). Eftir símtal í 118 næ ég í Reiknistofu HÍ og er vandamálið að þar sem það er nýtt netkort í tölvunni þá er komin ný MAC addressa og var nýja talnarunan sett inn. Ok, þar er um klukkutíma bið. Á meðan ætla ég að horfa á eitthvað annað og borða snúðinn minn. Þá kemur ekkert hljóð þegar ég set How I met your mother í gang. WHAT – ég vissi að hljóðið hafði verið í lagi áður en tölvan fór í viðgerð og ég hafði hlustað á tónlist í tölvunni daginn áður, eftir að ég fékk tölvuna tilbaka, upp í vinnu en þá með headsetti. Prófa ég þá að setja headsettið í og viti menn – þá kemur hljóð ($%&%$). Ég hringdi í EJS og eftir það símtal þá þarf ég að fara með tölvuna AFTUR í viðgerð. Mín er sko ekki sátt en ég ætla að fara með tölvuna eftir helgi til EJS og reyna að fá það í gegn að ég geti beðið eftir tölvunni. Ég get alveg lesið skólabækur á biðstofu EJS eins og heima hjá mér! Vona að þetta sé það síðasta með tölvuna mína næstu ár. Ég vel tölvur jafnvel og ég vel karlmenn – alltaf til vandræða.

Eftir þessa skólaviku er á hreinu að það verður nóg að gera á þessari önn. Ég er að reyna að klára BA ritgerðina í sagnfræði, á mánudaginn held ég framsögu í Evrópusamvinnu og svo fyrirlestur í sama fagi 30. september (ég bara get ekki misst tölvuna aftur). Það verður svo nóg af ritgerðum og prófum sem ég geri sem og að lesa fyrir tímann. Úff ég held að ég þurfi að fara að byrja að drekka kaffi til að geta klárað þetta allt saman en þetta verður víst gert eitt í einu!

Asnalegur ávani

Ég er ekki með marga ávana en það er einn sem mér finnst frekar fyndinn. Málið er að hvert skipti sem ég fer á WC þá set ég gleraugun alltaf upp á hausinn – veit ekki hvers vegna ég geri þetta en ég geri þetta samt sem áður.

Hefur þú einhvern fyndinn ávana?